Madrilen

 1. Eguna (2019/04/18)

Tres Cantosera heldu gara eta, harrera egin ondoren, Gino's batera bazkaltzera joan gara. Neskei asko gustatu zaie jatetxea, esan dezakegu oporrak ondo hasi ditugula.

Arratsaldean Reina Sofia museora joan gara eta zorte ona eduki dugu, museoen eguna baitzen, eta sarrera doanik izan da. Hori bai, museoa jendez beteta zegoen, baina oso ondo pasatu dugu. Jakina, Daliren eta Miroren koadroak ez ezik, Picassoren Gernika ere ikusi dugu. Esperientzia oso ona izan da.

Azkenik, Solen ingurutik bueltatxo bat eman dugu, giro handia zegoen. Madrilgo argazki polita ateratzeko, El Corte Ingleseko azken solairuan egon gara. Bistak harrigarriak dira handik!!!


2. Eguna (2019/04/19)

Goizean Austrien Madriletik ibili gara, jendetza zegoen. Baina, beno... gutxi gorabehera bueltatxo bat eman dugu eta, gainera, Plaza Mayor eta inguruetan egon gara. Bazkaltzeko orduan euria egiten hasi da. Beraz, bazkaltzeko gelditu gara.

Arratsaldean Pradoren Museora joan gara, baina sartzeko bi ordu baino gehiagoko ilara egin behar izan dugu. Ez dakit merezi izan duen ala ez, egia da barruan asko disfrutatu dugula.

3. Eguna (2019/04/20)

Warneren eguna izan da gaur eta eguraldia nahiko ona izan da parkean egoteko. Ez dago asko kontatzeko, parke hauek antzekoak dira: atrakzioak eta ilarak, batzuk oso luzeak, janaria txarra eta nekatuta amaitzen duzu eguna.

Hemen "Loca Academia de Policia" emanaldia oso ondo egon da. Zalantzarik gabe, emanaldi honek merezi du.

4. Eguna (2019/04/21)

Gaur Segoviara joatea tokatu da. Anak eta biok ezagutzen genuen, baina alabek ez. Goizean "acueducto", "alcazar" eta katedrala ikusi ditugu. Horretarako, herri erditik paseotxo atsegina eman dugu. Gero, bazkaltzera joan gara eta, nola ez, txerrikumea probatu dugu. Primeran!!!

Arratsaldean katedrala barrutuik ikusi dugu, oso polita iruditu zaigu eta ikusteko gauza asko zegoen: marrazkiak, tapizeak eta abar. Azkenik, "juderia" ere bisitatu dugu.

Egun ederra, Segovia ikustera joateak merezi izan du.

Amaitzeko, Tres Cantosen bizi diren Lagun batzuekin geratu gara eta oso jantoki atseginara joan gara afaltzera. Orain dela 17 urte neu ere Tres Cantosen hiru urtez bizi nintzen eta herri honetako oroipen oso onak gordetzen ditugu. 

Horrela amaitu dira Madrilgo oporrak. Hala ere, lan egiten hasi baino lehen, Lezaman egoteko egun batzuk edukitzen ditugu. Besterik gabe, etxean gauzak egiteko eta bizikletaz ibiltzeko aprobetxatuko ditugu.

Galiziako oporrak

1. Eguna (2018/07/22)

Gaur Noiara iritsi gara eta dena iaz bezala dagoela esango nuke, aldaketa gutxi. Bidaia oso lasaia izan da, Lezamatik 6:40an irten gara eta 1ean Noian sartu gara.

Alde zaharrera joan gara bazkaltzera lasaitasunez, gero maletak desegin ditugu, pixka bat deskantsatu eta 6:00etan hondartzara joan gara. Egun ederra izan dugu eta hondartzako taberna batean afaltzea erabaki dugu. Hori bai, hemendik ura hotz egoten jarraitzen du.


2. Eguna (2018/07/23)

Goiz jaiki naiz eta itsasadarretik korrika egitera joan naiz. Gero pixka bat garbieketa egin dugu etxean, baita erosketak ere. Bazkaldu baino lehen, alde zaharretik bueltatxo bat eman dugu.

Arratsalderako plana Esteiroko hondartzara joatea izan da, han karramarroak harrapatzen aritu dira neskak. Batzuk harrapatu dituzte, baina gero libre utzi dituzte.

3. Eguna (2018/07/24)

Gaur derrigorrezko txangoa tokatu da: Corrubedo. Urtero hara  joaten gara, duna ikustera, herria bisitatzera eta jatetxe batean jatera. Herriaren inguruan hondartza erraldoia dago eta herriaren erdian ere beste hondartza oso polit bat dago. Kaiatik salto egin daiteke, benetan giroa izugarria da. Oso ondo dago, benetan.

4. Eguna (2018/07/25)

Fragas do Eume parkera joan gara gaur mendi txangoa egiteko. Ibaiaren ondotik igo den bidetxo batetik joan gara monasterio batera iritsi arte. Eume ibaiak ura asko darama eta oso paisaia politak ikus daitezke, gainera zubi batzuk zeharkatu behar izan ditugu, oso dibertigarria izan da.

Beste alde batetik, "fraga"-k galegoz basoa esan nahi du eta izugarriak izan dira ikusi ditugunak, baso atlantikoa: pagoak, aritzak, gaztainodoak... ikusgarria.

5. Eguna (2018/07/26)

Noiako merkatutik bueltatxo bat eman dugu goizean. Postuek arrain asko zeukaten, baina guk muskuilu enpanada bat erosi dugu Couto okindegian. Okindegi hau ospetsua da Noian eta, egia esan, ez da arraroa, dena oso gozo dagoelako.

Arratsaldean hondartzara joan gara. Arratsalde polita pasatu dugu, hondartzan gustura baitzegoen.

6. Eguna (2018/07/27)

Mastontanera eta Loiosera familia bisitatzera joan gara. Osabak, izekoak eta lehengusuak oraindik han bizi dira eta, Galizian gaudenean, joaten gara haiek ikustera. Esan daiteke herrixka hauek benetan denbora gelditu da, orain dela 30 urte bezala dena dago. Beno.... jende gutxiago eta umerik gabe.

Arratsaldean Juan lehengusuarekin, bere emazterekin eta alabarekin egon gara. Bueltatxo bat eman dugu Noiatik, gero afaltzera joan gara eta oso ondo pasatu dugu. Juan Bartzelonan bizi da eta beti esaten dugu bere etxera bisitatzera joango garela, baina azkenean ez goaz. Agian, aurten joango gara.

7. Eguna (2018/07/28)

Gaur A Pobra do Caramiñalera joan gara. Ideia zen Harrien Ibaira (Rio das Pedras) joatea, igerileku naturaletara. Baina, goizean eguraldia oso txarra zenez, herrian geratu gara. A Pobra herri marinel polit bat da, hondartza ederra dauka eta kaia ere oso ondo dago. Ez da beharrezkoa esatea oso ondo jaten dela eta, beraz, han bazkaldu dugu.

Gero arratsaldean eguraldia hobetu da eta ibaiara joan gara. Horretarako, hiru kilometro egin behar dira autoz eta beste bi oinez, baina merezi du. Paseoa atsegina da eta ibaiaren igerilekuak oso dibertigarriak dira.

8. Eguna (2018/07/29)

Gaur osaba Antonioren etxera joan gara bazkaltzera. Osaba Antonio itsasadarretik paseatzera joaten da ia egunero eta han elkar ikusten dugu korrika egitera joaten naizenean. Beraz, egun batean geratu ginen domeka honetarako. Gainera, zorte izan dugula esango nuke, gaur eguraldi txarra delako.

Han oso gustura egon gara lehengusuekin, izekorekin eta osabarekin. Txurrasko bazkaldu dugu eta goxo, goxo zegoen. Postrerako pastel bat egin du izekok haien oiloen arrautzez, izugarrizko pastela.

9. Eguna (2018/07/30)

Berriro eguraldia ez da oso ona izan eta ezin izan da hondartzara joan. Orduan aprobetxatu dugu etxea garbitzekoa, bihar gure azke eguna baita hemen eta badirudi eguraldia hobetuko dela.

Arratsaldean Tia Lolaren etxera joan gara. Han Ramon eta Dani, nire lehegusuak, zeunden. Ramonen emaztea eta semea ere etxean zeunden. Haiekin eta izekorekin arratsalde oso atsegina pasatu dugu.

10. Eguna (2018/07/31)

Carnotara joan gara gaur, gure leku faboritoenak bat da hau. Carnotaren inguruak ederrak dira, goizean hondartza batean egon gara gu bakarrik. Herria txikia da, baita oso polita ere. Gero arroza bogabanterekin bazkaltzera joan gara, izugarria.

Arratsaldea Carnotaren hondartzan pasatu dugu oso gustura. Galiziari agur esateko, bainu galanta eman diogu geure buruari Atlantikoan.

Cauterets

1. Eguna

Aste Santu honetan Cauteretera joatea erabaki dugu. Apartamentuarekin arazo batzuk izan ditugu, baina azkenean konpondu dira eta oporrak disfrutatzen hasi ahal izan gara. Hemen Fernan, Itxaso eta seme-alabekin joan gara eta helburu negusia eskiatzea da.

Eta lehenengo egunean eskiatzen aritu gara ia bostak arte, eguraldia oso ona izan baita. Hala ere, azken jaitsieran Borja lesionatu egin da. Badirudi ez dela garrantzitsua, baina atseden hartu beharko du egun hauetan, belaunean min hartu duelako.

 

2. Eguna

Berriro egun ederra izan dugu gaur eta, eguna aprobetxatzeko, goiz igo gara pistetan. Elurra oso ondo zegoen eta gustura ibili gara bazkaltzeko ordura arte. Ordu batean gelditu gara eta bazkaldu dugu kafetegian. Kafetegia berritu dute eta oso atsegina geratu da.

Bazkaldu eta gero, eskiatzen jarraitu dugu. Hiru eta erdietan neskek esan didate uzten dutela eta apartamentura zihozela, nekatuta baitzeuden. Nik pizka bat jarraitu dut, neskeekin egin ez ditudan pistak ezagutu nahi nuen. Eta bai, oso ondo, nahiz eta estazioa oso handia ez den, oso pista dibertigarriak ditu.

3. Eguna.

Asko elurra egin du eta erabaki dugu eskiatzera ez joatea. Antza denez, bihar eguraldia oso ona izango da eta biharko utzi nahiago izan dugu. Gaur alabak, Borja eta Naia igerilekuetara joan dira eta guk erosketa batzuk egin ditugu.

Gainera, bazkaria elkarrekin antolatu dugu: pizza eta makarroiak. Oso ondo, edateko frantziako ardoa helduentzat, umeentzat ura, jakina. Bazkaldu ondoren, bueltatxo bat eman dugu herritik. Oso polita zegoen, elur asko jausi baita.

4. Eguna.

Egun bikaina, gaur. Elurra oso ondo zegoen ia egun osoan eta, noski, asko zegoen. Estazioa izugarria zegoen benetan. Hori bai, jende asko pistetara joan da eta kontu handiz ibili behar zen. Dena dela, eguna disfrutatzeko izan da eta gustura ibili gara.

5. Eguna

Berriro eguraldi ona izan dugu, ez da atzoko bezain ona, baina ezin dugu kexatu. Gainera, jende guxiago zegoen eta gauza gehiago egin zitezkeen pistetan. Alde honetatik, Naia gurekin ibili da eta, nire ustez, azkenik eskiak pixka bat ireki ditut eta estiloa hobetu du.

Arratsaldean pista zailagoetara joan gara Leire, Irati eta hirurok. Elurra ondo agoatatu da eta jaisterak oso politak egin ditugu. Neskak txapeldunak dira eta pista beltzak jaitsi dituzte arazorik gabe.

 Asko disfrutatu dugu, baina elurrako denboraldia amaitu da.

Formigal

1. Eguna

Eguraldi oso txarra: elurra, haizea eta hotza. Gainera, atzo kateak ipini behar genituen apartametura iristeko.

Gaur pistetara goiz joan gara, eta pare bat jaistera egin dugu. Baina eguna oso gogor zegoen. Beraz, berehala apartumentura joan gara. Zeinbat erosketa egin dugu eta jatetxe batean bazkaldu dugu.

Arratsalde pixka bat hobetu da eta neskak apartamentu ondoan elurraz jolastu dira. Oso ondo pasatu zuten. Ana eta biok apartamentuan pixka bat lan egin dut.

Afaldu baino lehen, pote bat hartzera joan gara. Giro polita aurkitu ditugu tabernetan, ihauteriak dira eta. Apartamentuan afaldu dugu. Ea bihar egun hobea izaten dugun!!

 

2. Eguna

Ze desastre!! Gaur euria!!! Aurten ez gara zorte edukitzen ari. Pistetara joan gara, baina bi orduz baino ez gara egon. Apartamentuera erabat bustita iritsi gara.

Gainera, ia egun osoan euria egin du eta elur asko derretitu da. Uste dut bihar elurra egongo dela pistetan, baina iristsi ginen egunean askoz gutxiago.

Badirudi bihar egun ona edukiko dugula, hori esan du iragarpenak. Ea egia den!!

3. Eguna

Gaur, bai. Gaurkoa egun bikaina izan da. Eguzkia eta hotza, onena skiatzeko. Laster pistetara joan gara eta Sextasetik Portaletera jarraian joan gara. Modu honetan estazioko neurriak hartu ditugu, hau da, orokorrean nolakoan den estazioa ikusi ahal izan dugu.

Dagoeneko esan digutenez, estazioa oso ondo dago, handia da eta pista oso dibertigarriak dauzka. Gainera, hotz egin duenez, elurra primeran zegoen. Beraz, ezinezkoa zen ondo ez pasatzea.

Bihar pixka bat gehiago gozatzen saiatuko gara.

4. Eguna

Gaur azken eguna da, baina, etxera joan baino lehen, pixka bat eskiatu nahi izan dugu. Eguraldia ez zen oso ona, baita oso txarra ere, orduan pistetara joan gara.

Nahiz eta ikuspena oso ona ez zen, hamarrak eta erdietara arte gustura aritu gara. Gero elurra egiten hasi denez, neskek saldatxo bat hartezera joan gara eta nik pixka bat jarraitu dut.

Azkenean, hamaika eta erdietan pistetatik joan gara, maletak autoan sartu ditugu eta etxerako bidea hartu dugu. Biscaseraino kateekin joan behar izan dugu, gero, Iruñeraino, elurra egin du. Beraz, bidaia pixka bat gogorra egin zaigu. Azkenik, etxera iritsi gara, pozik eta errepikatzeko gogoz.

Galiza

1. Eguna

Lehenengo eguna da gaur Galizian eta egun ederra izan dugu. Lezamatik euripean utzi dugu, baina, Galiziara joan ahala, eguraldia hobetu da eta Noian zerua garbi-garbi zegoen.

Noian iritsi bezain laster, herri-erdira bazkaltzera joan gara: muxkuiluak, nabajak eta piperrak, ribeirorekin. Primeran. Gero etxera, gauzak armairuetan ipintzera eta, deskantsu txiki bat hartu ondoren, hondartzara joan gara.

Dena ondo. Gustura.

2. Eguna
Gaur goizean erosketak egin behar izan ditugu, beraz, Noiako erditik bueltatxo bat eman dugu. Noiako alde zaharra paseatzeko, erosteko edo pote bat hartzeko atsegina da.

Arratsaldean Esteiroko hondartzara joan gara, itsasadarreko iparraldean dago eta euskaldun batzuk ikusi ditugu hondartzatik. Berriro eguna oso ona izan denez, Esteiron afaltzera geratzea erabaki dugu. Itsasadarreko afaria izan da: almejak, muskuiluak eta zamburiñak urdaizpikoarekin. Primeran.

3. Eguna

Gaur eguna euripean hasi da eta Noiako plazara joan gara. Plazan giro asko zegoen, arraindegiak beteta zeuden eta atsegina da ikustea. Gure aldetik, berbertxoak eta olagarrasko enpanada erosi dugu.

Arratsaldean Juanekin, nire lehengusua, eta familiarekin egon naiz. Eguraldia hobetu da eta Noiatik buelta bat eman dugu eta gero afaltzera joan gara. Pixka bat berandu iritsi gara etxera, baina pozik, gustura egon gara.

4. Eguna
Goiza lainopean hasi da, baina gero hobetu da eta Louroko hondartzara joan gara. Atlantikoko hondartza da eta olatu ederrak zeuden, bainu bat hartu dugu. Dibertigarria izan da olatuekin.

Gero Ancoradoirora bazkaltzera joan gara, lekua ederra da.

5. Eguna
Gaur euria egin du eta Mastontan joateko aprobetxtu dugu. Izeko Elena eta osaba Jose bisitatzeko, baina zorte izan dugu eta nire lehegusuak Lois eta Juan ere zeuden.

Arratsaldean buetatxo bat Noiatik eta afaltzeko paella ederra egin dugu.

6. Eguna
Iragarpena ez da oso ona gaurko eta, beraz, Cangasera joatea erabaki dugu. Hain zuzen ere, Melideko hondartzara. Baina, hondartzara joan baino lehen, Facho mendira joan gara castro batzuk ikustera eta ibilbidea disfrutatzeko. Gero hondartzan egon gara, hondartza Ciesen aurrean dago eta oso polita da. Hori bai, oinez iritsi behar da.

Azkenean, Noiara bederatzietan heldu gara eta pizza afaltzera joan gara. Pizza, primeran.

7. Eguna
Ibaiko igerilekuetara joan gara gaur. Igerileku hauek A Pobra de Caramiñan daude, hori dela eta, lehenik herritik buelta txiki bat eman dugu, oso polita delako.

Gero mendira igo behar izan dugu igerilekuetara ailegatzeko. Igerilekuak putzuak dira ibaian zehar. Leku ederra, baita inguruak ere.

8. Eguna
Gaurko plana Corrubedora joatea izan da. Bisita hau klasikoa da, urtero joaten gara eta. Herria txikia eta polita da, baina hondartza erraldoia da. Corrubeduko duna ospetsua da eta bisita merezi du.

Gu goizean inguruetatik eta hondartzatik ibili naiz, gero herrira bazkaltzera eta arratsaldean herriko hondartzan eta kaian egon gara. Kaian ere bainatu daiteke eta oso dibertigaria da.

9. Eguna
Gure Galizako egunak amaitu dira, beti bezala gustura eta pozik egon gara. Gaur Lezamara itzuli gara, hemn hiru egun egongo gara eta gero Gironara joango gara.

Baqueiran

Aurten ez dut ezer idatzi hemen. Egia da neguan ez da asko kontatzeko, baina egia ere da pixka bat kostatzen zaio euskeraz zerbait idaztea. Normalean, oporretan zirriborra txiki bat egiten dut eta gero zirriborra garatzen dut. Oraingoan ez daukat zirriborra, baina Baqueiran egun politak pasatu ditugu orain dela gutxi eta, behintzat, argazki pare bat ipini nahi ditut. 

Argazkiez gain, eguraldi oso ona izan dugula esan nahi dut. Batez ere, lehenengo hiru egunetan. Beraz, gustura eskiatu gara eta arazorik gabe opor txiki hauek pasatu ditugu. Gainera, sumatzen da alabak gero eta hobeto ibiltzen direla pistetan.

Urdaibai urrian.

Egun hauetan Urdaibairen bi txango antolatu ditugu. Lehenengoa, Margotuta Basoa bisitatzeko eta, bestea, Kanoaz Urdaibai jaisteko.

Lehenik eta behin, Margotuta Basoa joan ginen eta, basoa bisitatzeko, Santimamiñetik irten ginen, gutxi gorabehera 4 km dira eta paseotxoa oso atsegina da. Umeekin egiteko oso gomendagarria da. Guk guztiok dagoeneko basoa ezagutzen genuen, baina polita da eta, gainera, oso eguna ona izan zen basoan paseatzeko.

 Gero, Satimamiñera itzultzeko, Omatik joan ginen, beste 3 edo 4 km-ko paseo atsegin bat. Inguruak oso politak dira eta jende asko umeekin zegoen. Goiz osoa ibiltzen pasa ondoren, bazkaltzera Marko Pollo garagardotegira joan ginen. Nola ez, primeran bazkaldu genuen.

Hurrengo txangoa kanoaz ibiltzea izan zen. Horretarako, Laida Kanoarekin joan ginen. Haiek Laida hondartzatik Arteagara eramaten gintuzten. Arteagan kanoaz nola ibili erakutsi ziguten eta, ikastaro azkarra egin ondoren, itsasadarrera eta aurrera. Oso erraza eta intuitiboa da, gainera, ibilbideak ez du arazorik. Beraz, edonork egin dezake.

Hasieran, itsasadarra estua da, baina leku soberan dago eta laster ibilbidea zabalagoa eta politagoa egiten da. Jakina, ibilbidetik animalia asko ikus daiteke, batez ere, txoriak, baina arrainak eta igelak ikusi genituen. Ez da beharrezkoa esatea umeentzat oso dibertigarria izan zela.

Eta, nola ez, amaitzeko, beste garagardotegi batera joan ginen bazkatzera. Oraingoan, Jatape garagardotegiari tokatu zitzaion.