Les 3 Vallées

 1. Eguna (2024/03/30)

Berriro Val Thorens-ra etorri gara. Bidaia lasaia izan da, baina azken 5 km-tan elurra egiten hasi da eta ez da gelditu arratsalde osoan. Ikusiko dugu bihar zelan izango den estazioa.

2. Eguna (2024/03/31)

Gaur elurra egin du eta haize gogor ibili da. Horregatik, lasaitasunez hartu dugu eta 9:30 arte ez gara pistetara joan. Haizearen erruz aulki eta telekabina batzuk itxita zegoen. Beraz, estazioa mugatuta zegoen eta hori nabaritzen zen. Baina, ondo pasatu dugu eta ia bostak arte eskiatzen aritu gara.

3. Eguna (2024/04/01)

Eguna oso ondo hasi da, hodeirik gabe eta elur berria, gauean elurra egin baitu. Beraz, goizean asko disfrutatu dugu. Bazkaldu ondoren, eguraldia pixka bat hondatu da, baina ordu pare bat baino ez da iraun.

Egunaren azken zatian estazioko mendi altuenara igo gara, Cime de Caron. Izugarria da han egotea, nahiz eta gaur lainotuta zegoen eta ez zen asko ikusten.

4. Eguna (2024/04/02)

Goizeko lehenengo orduetan asko elurra egin du, baina gero gelditu da eta egun ederra izan dugu.

Courchevelera joan gara. Hau da, Les 3 Vallées zeharkatu dugu. Han bazkaldu dugu eta gero itzultzeko bidea hartu dugu.

Val Thorensera iritsi garenean, Ana eta Leire apartamentura joan dira. Irati eta biok, ordea, Cime de Caronera igo gara. Gaur bai, zerua garbi-garbi zegoen eta paisaia izugarria.

5. Eguna (2024/04/03)

Gaur ia egun osoan elurra egin du. Beraz, elurraren geruza erraldoia da pistetan. Hori bai, eskiatzeko elurraren kalitatea ere izugarria da.

Gu Val Thorens ingurutik ibili gara, ikuspena eskasa baitzen. Gustura egon gara, nahiz eta une batzuetan eguraldia pixka bat gogorra izan den.

6. Eguna (2024/04/04)

Gaur egun ederra atera zaigu: eguzkia, elur izugarria, ilar gutxi, bazkaria ederra...

Pista altuetatik ibili gara, han elurraren kaitatea onenagoa baita. Elurraren baldintzak pista kanpotik asko ibiltzen utzi digu. Gainera, bistak ederrak dira altuera horretatik. 

7. Eguna (2024/04/05)

Azken eguna eta bikaina. Eguraldia ederra egun osoan izan denez, ia ez gara gelditu. Atzo bezala pista altuetatik eskiatu gara, han elurraren baldintzak izugarriak baitira.

Asko disfrutatu ditugu 6 egunak eta, gainera, lesiorik gabe. Hori da garrantzitsuena eta, horregatik, jatetxe batera ospatzera joan gara

8. Eguna (2024/04/06)

Bueltatzeko bidaiaren eguna izan da gaur. Iaz bezala bi etapatan egingo dugu: lehenengoa, Narboneraino eta bigarrena, etxeraino. Lehenengoan dena ondo joan da eta arazorik gabe iritsi gara hotelera. Gelak hartu dugu eta laster afaltzera joan gara. Azkenik, koparen finala disfrutatu dugu. Oso ondo, Athletic txapelduna da eta!!!

Cauterets - Inauteriak

 1. Eguna (2024/02/10)

Berriro Cauteretsen egun batzuk pasatzea erabaki dugu. Baina, oraigoan Leire ez da erorri, klaseak dituela eta.

Lehenengo egunean izugarri elurra egin du. Egun osoan, gelditu gabe. Beraz, baldintzak ez dira onenak eta, horregatik, Ana eta Irati apertamentura joan dira, bazkaldu eta gero. 

Nik eskiatzen jarraitu dut, nahiz eta ikuspen txarra zen eta une osoan elurra egin duen.

2. Eguna (2024/02/11)

Gaurko lehenengo zatian atzoko bezalakoa izan da: elurra egitea eta ikuspen gutxi. Baina, bigarrena hobetu da eta batzuetan eguzkia ere ikusi dugu. Hori bai, elurra primeran egon denez, asko disfrutatu dugu.

3. Eguna (2024/02/12)

Eguna oso ondo hasi da, baina 10:30ean hondatzen joan da. Haizea eta elurra egiten hasten da eta desatsegina geratu da. Horrez gain, ikuspena asko okerru da. Beraz, bazkazldu eta gero Irati eta Ana apartametura.

4. Eguna (2024/02/13)

Gaur, bai. Hodeirik gabeko egun ederra atera da eta hirurok asko disfrutatu dugu. Gainera elurraren baldintzak oso onak izan dira. Batez ere, goizean. Beraz, asko eskiatu dugu eta oso ondo pasatu dugu. Azkenik, laurak arte aguantatu dugu eta gero autoa hartu eta etxera joan gara. Berriro, Cauteretsen opor izugarriak!!!

Cauterets

 1. Eguna (2024/01/02)

Azken urteetan bezala aurten ere Cauteretsen urteko lehenengo egunak pasatzea erabaki dugu. Egia da estazioa joan den urtean baino hobeto dagoela, baina, pistetan elur gutxi dago eta eskiatzeko baldintzak ez dira oso onak.

Dena dela, goizean gustura egon gara. Arratsaldean, tele-aulkiak gelditu dira, goian haize oso gogorra zegoela dirudi. Pertxak baino ez ziren erabilgarriak eta, noski, horrek eskiatzeko posibilitateak asko mugatu ditu. Gainera, pertxetan ilarak oso luzeak ziren. Horregatik, laster apartamentura jaitsi gara.

2. Eguna (2024/01/03)

Eguna lainotuta atera da. Hasieran pentsatu dugu euria egingo zuen, baina, ez,  eskerrak. Atzo bezala elurra ez da oso ondo egon eta pista pare bat itxi dute, baina, gu ez gara gelditu. 

Arratsaldean eguzkia atera da eta hobeto. Baina, gero behelainoa agertu da eta kontu handiz ibili behar izan dugu. Hori bai, izugarriko argazkiak atera ditugu.

3. Eguna (2024/01/04)

Egun oso polita izan dugu gaur, eguzkia jaun eta gabe izan da. Hori bai, gaurko eguzkia elurretarako ez da ona izan, Estazioan gutxi geratzen baita. Hala ere, bihar elur asko egingo duela durudi. Ea egia den, oso beharrezkoa da, benetan.

4. Eguna (2024/01/05)

Gaur eguraldia asko aldatu da, estazioan egun osoan mara-mara elurra egin du. Baina, ez da zalantzarik egon eta pistetara joan gara. Gainera, Iratiren Sondikako lagun pare bat etorri dira, oso jatorrak eta gustura egon gara haiekin. 

Noski, kontu handiz ibili behar zen, baldintza hauetan gutxi ikusten da eta zapaldu gabeko elur asko pilatzen da pistetan. Baina, tira, egun oso eskiatzen aritu gara.

Gaurkoa azken eguna izan da. Izugarriko oporrak pasatu ditugu eta Cauterets elurrez beteta utzi dugu.

Las Dunas

 

1. Eguna (2023/08/12)
Lezamatik goiz joan eta bidai lasaia izan ondoren, Las Dunas-ra heldu gara. Lehenik, pistzinako tabernara bazkaltzera joan gara. Bigarrenik, gauzak antolatu ditugu mobil-homen. Eta, azkenik, Bon Preun erosketa txiki bat egin dugu.

Logistika dagoeneko antolatuta, hondartzara bainu hartzera joan gara. Uste dut kanpinean ia ezer ez dela aldatu. Beno, ea egun hauek ondo pasatu ditugun.

2. Eguna (2023/08/13)
L'Escalako taldekoekin bueltatxo eman dugu Fernan, Jandro eta hirurok. Ibilbidea La Bisbal d'Emporda- Palamos - Palafrugell - Torroella de Montgri izan da, 104 km. Berriro L'Escalako lagunak ikustea gustura izan da.

Gero Anareki kanpineko hondartzara joan naiz eta familia osoa elkarrkin bazkaldu dugu Mobil-Homen. Arratsaldean pixka bat irakurketa, kanpineko lagunekin elkarrizketa eta pistzina joatea. Azkenik, barbakoa afaltzeko.

3. Eguna (2023/08/14)
Goizean Jandro, Fernan eta hirurok Peraladara joan gara. Han gosari ederra hartzeko ohitura dugu azken urteotan. Buelta txikia da eta ondo dago hankak deskansatu daitezen.

Gainontzeko egunean kanpineko bizitza egin dugu. Hau da, hondartza, pistzina eta barbakoa.

4. Eguna (2023/08/15)
Berriro L'Escalakoekin, baina gaur talde B-koekin joan gara St. Pere de Rodes igotzera. Bi aldetik, gainera. Beraz, irteera galanta atera zaigu: 90 km eta desnibelako 1100 mts.

Kanpinean heltzean, Ana eta Leire itxaroten ari ziren anbulatoriora joateko. Leire jaitsi da eta ukondoan min hartu du. Azkenik, ez da oso larria izan, baina kolpe ederra izan du eta 5 edo 6 egun deskantsatu behar du.

5. Eguna (2023/08/16)
Oraingoan korrika egitea tokatu da, Mugetatik prestatzeko. Normalean, Leirerekin joaten naiz, baina, atzo jaitsi zenez, ezin izan da etorri.

Hamazazpi km-ko ibilbidea egin dut. Polita, batez ere, goian. Bistak izugarriak. Gero St. Peren merkadillo ikusteko familiarekin elkartu naiz. 

6. Eguna (2023/08/17)
Gaur nekatuta zegoenez, irteera bakarrik egitea erabaki dut. Iparrandera joan naiz, Espollaraino. Gero, Peraladarantz erritmo onez abiatu naiz. Azkenik, 68 km eta 10etan kanpinean.

Gauean nagusiak afaltzeko Masia batera joan gara. Seme-alabek kanpinean afaldu dute, pizza batzuk. Oso ondo pasatu dugu.

7. Eguna (2023/08/18)
Nahiz eta atzo berandu oheara joan nintzen, goiz jaiki naiz eta bizikletaz bueltatxo eman dut. Perafitara joan naiz, 67 km.

Gauean guztiok elkarrekin babarkoa egin dugu. 15 pertsonarentzat, erronka ederra.

8. Eguna (2023/08/19)
Irteera luzea L'Escalakoekin, 123 km eta hiru mendate. Arratsaldean hondartzan egon gara.

9. Eguna (2023/08/20)
Far San Sebastiara joan gara L'Escalako taldearekin. Hau leku ederra da eta eguna izugarria ere izan da, nahiz eta bero asko egin. 103 km-ko irteera izan da, baina ondo, lasaitasunez joan gara.

Gauean L'Eskalara afaltzera joan gara. Itsasoaren ondoan, oso gustura.

 

10. Eguna (2023/08/21)
Gaurko plana snorkle egitera joatea da. Orduan goiz korrika egitera joan naiz. La Gaviota kanpineraino eta buelta korritzen naiz, 6,5 km.

Snorkle Beguren egin dugu. Egia esan, harkaitzetatik saltoak benetako protagonistak izan dira, nahiz eta arrain asko ere ikusi dugu.

11. Eguna (2023/08/22)
Naiz eta atzo oso nekatuta amaitu nuen, L'Escalakoekin joan naiz eta nahiko ondo. Cala Motjoira joan gara, han Bulli jatetxea dago eta inguruan oso polita da. 94 km egin ditu.

Arratsaldean Calella de Palafrugell bisitatu dugu. Herri oso polita, baita jendetsua ere.

 

12. Eguna (2023/08/23)
Pic l'Aliga korrika egin dugu Leirek eta biok. 12 km, baina eguna oso berotsua izan denez, ibibilbidea pixka bat luze egin zaigu.

Gauean Mas Gusora afaltzera joan gara. Oso gustura egon gara.

13. Eguna (2023/08/24)
St. Pere de Rodes eta Perafita egin dugu L'Escalako taldearekin, 97 km eta beroa izan da protagonista. Baina, ondo Katalunyan azken irteera izateko.

Gauean beste barbakoa egin ditugu. Eta beroa jarraitu du. Beroari dagokionez, egun izugarria izan da.

14. Eguna (2023/08/25)
Egusentia ikusi dut eta gero 9 km korrika egin ditut. Berriro bero asko, nahiz eta goizeko 7:30etan izan. Gero Gironara Can Rocara bazkaltzera joan gara. Ez hiru izarretakora, baizik eta gurasoenak menu oso gozoa eta ez hain garestia. 

Oporretako azken eguna izan da eta agur esateko txupitoa hartu dugu lagunekin.

Gero Anareki kanpineko hondartzara joan naiz eta familia osoa elkarrkin bazkaldu dugu Mobil-Homen. Arratsaldean pixka bat irakurketa, kanpineko lagunekin elkarrizketa eta pistzina joatea. Azkenik, barbakoa afaltzeko.

Galiza

 1. Eguna (2023/07/29)
Berriro egun batzuk pasatu ditugu Galizan. Gaur heldu gara, bidaia oso lasaia izan da, nahiz eta oporretako irteera izan.

Bazkaldu eta maletak desegiten ondoren, Broñako hondartzara joan gara. Egun ederra izan dugu.

2. Eguna (2023/07/30)
Goizean Leire eta biok korrika egitera San Lois mendira joan  gara. Iaz ibilbide hau egin genuen, baina aurten pixka bat luzatu dugu kostaldetik. Egun ederra izan dugu eta asko disfrutau dugu.

Arratsaldean familia osoak "O camiño dos carpinteiros dos pes mollados" egin dugu. Ibilbide hau Broñako hondartzan hasi eta amaitu eta O Freixo-tik pasatu da. Eguna amitzeko O  Freixon afaldu dugu.

3. Eguna (2023/07/31)
A Serra-ra joan naiz mendi bizikletaz. Iaz ibilbide hau egin nuen eta, gustatu zitzaidanez, errepikatu dut. Ponte Nafonsotik pasatu dela eta, argazki ederra lortzen da. Batez ere, goiz goizean.

Gero Noiatik bueltatxo bat eman dugu eta berberetxo enpanada erosi dugu. Ez da beharrezkoa esatea goxo-goxo zegoela!!

4. Eguna (2023/08/01)
Bi egun pasatzera Cies Irleetara joan gara. Lehenik, gaur kapin-dendak montatu ditugu, gero zerbait bazkaldu eta, azkenik, irlatik ibili gara.

 

Alto do Principera eta Faro do Peitora joan gara. Bista izugarriak disfrutatu ditugu eta hegazti pilo bat ikusi ditugu. 

5. Eguna (2023/08/02)
Bigarren eguna Ciesen eta euria egiten hasi da, eta gogoz. Beraz, planak ukitu dizkigu eta kanpinetik irteera aurreratu behar izan dugu. Euriaz gain, Iratik gau oso txarra pasatu du.

Dena dela, gozaldu baino lehen Leire eta biok korrika egitera joan ahal izan gara. Irlako beste aldea egin dugu, gustura, baina eguraldia ez da batere ona izan.

Hori bai, atzo ilargi ederra ikusi genuen.

6. Eguna (2023/08/03)
Eguna lasaitasunez pasatzea erabaki dugu. Gainera, Noian azoka dago eta aprobetxatu dugu buelta bat emateko. 

Arratsaldean Esteiroko hondartzara joan gara. Egun polita eta neskak haien buruari bainu galanta ema diste.

7. Eguna (2023/08/04)
Corrubedora joan gara, hau ezinbesteko txangoa da. Jakina, duna bisitatu dut eta gero hondartzan geratu naiz bazkaltzeko ordura arte.

Bazkaldu eta gero herriko hondartzan egon gara. Neskek kaiatik salto egin dute. Oso gustura!!!
 
8. Eguna (2023/08/05)
Gaur ere Noian geratu gara, ni Iroite mendira joan naiz bizikletaz, igoera galanta da eta bidetxo asko dago. Uste dut mendi honek aukera pilo bat eman dezakeela.

Bazkaldu eta gero Esteiroko hondartzara joan gara. Arratsalde atsegina pasatu dugu. Azkenik Noian garagardo batekin amaitu dugu eguna.

9. Eguna (2023/08/06)
Goiz goizean Leire eta biok korrika egitera joan gara. Helburua Tremuzora heltzea zen eta eginda geratu da.

Domeka denez, Noiako azokatik bueltatxo bat eman dugu goizean. Gainera, gero osaba Antonioaren etxera bazkaltzera joan gara. Han isebarekin, lehengusuarekin eta bere emaztearekin egon gara. Gustura!!!

10. Eguna (2023/08/07)
Berriro goizean Ponte Nafonso ingurutik ibili naiz bizikletaz. Izan ere, Ponte Nafonsoan egunsentia ikusi dut.

Gero A Pobra do Caramiñalera joan gara. Bueltatxo bat eman dugu herritik, pixka bat hondartzan egon gara eta taberna batean bazkaldu dugu.

Arratsaldean Pedras ibaiko igerileku naturaletan egon gara. Bero egin du, baina uretan oso ondo zegoen.

11. Eguna (2023/08/08)
Azken eguna eta azken bueltatxo San Lois menditik bizikletaz. Gero Carnotako hondartzara joan gara. Bainu eman eta gero A Morosan arroza bogabanterekin bazkaldu dugu.

Arratsaldea hondartzan pasatu dugu. Eguna izugarria izan da, modu onena Galizari agur esateko!!!

Le tour – Le Grand Départ

Gaur Tourra Bizkaiara heldu da eta Leire, Ana eta hirurok Viverora txirrindulariak hurbildu gara. Irati ezin da joan, Irlandan dagoelako.

Bazkaldu ondoren, Lezamatik igo gara eta Galdakaotik igoeran gelditu gara. Jakina, giro izugarria zegoen, nik pentsatzen nuen baino gehiago. 

 

Lehenik eta behin, ia bi orduz Touraren karabana pasatu da. Denetarik zegoen eta kamiseta parte bat hartu dugu. Gero, txirrindulariak azkar-azkar, zoragarria izan da.

Txirrindulariak pasa ondoren, Lezamara poliki-poliki itzuli gara. Asko disfrutatu dugu, nork esango zuen etxearen ondoan Toura ikusiko genuela.